Koronavirýs infektsiiasyna qatysty Qyzylorda oblysyndaǵy ahýal jóninde oblystyq Densaýlyq saqtaý basqarmasynyń basshysy Jaqsylyq Abdýsametov málim etti, dep habarlaidy "Ult aqparat".
«Sońǵy táýlikte 5 adamnan qaterli indet naqtylandy. Olardyń 1-eýi skriningten anyqtalsa, 4-eýi koronavirýs juqtyrǵan naýqaspen bailanysta bolǵan azamattar. Sońǵy táýlikte barlyǵy 553 zerthanalyq synama alynsa, onyń 543 synamasy teris mándi boldy. 5 synama oń nátije kórsetse, 5-eýi zerttelý ústinde. Qaldyq test - 5000», – dedi basqarma basshysy.
Sondai-aq, koronavirýs infektsiiasyn juqtyrǵandarmen bailanysta bolǵan 3242 azamat anyqtaldy. Onyń ishinde, 1746-sy jaqyn qarym-qatynasta, 1496-sy janama bailanysta bolǵan.
«Jalpy 22 sáýirden beri qarai COVID-19 infektsiiasy 73 naýqastan anyqtaldy. Onyń ishinde 12-si meditsina qyzmetkeri bolsa, 43-i qarym-qatynas arqyly juqtyrǵandar, 7-eýi vahtalyq jumystan kelgender arasynan, 3-eýi blokpostta tekserý barysynda anyqtaldy. Sondai-aq, 5 naýqas meditsina uiymdaryndaǵy filtr kabinetterinen tumaý, pnevmoniia belgilerimen shaǵymdanǵan azamattar qatarynan bolsa, 1-eýi Reseiden kelgen stýdent. Jabyq mekemelerdi skriningileý barysynda 2 naýqas belgili boldy. Sońǵy 15 kúnniń statistikasyna qaraǵanda, virýstyń juǵý múmkindigi qarym-qatynas arqyly bolyp otyr. Sondyqtan turǵyndardy oqshaýlanyp, shekteý sharalaryna muqiiat bolýǵa shaqyramyz», - dedi basqarma basshysy.
Óńirde koronavirýs diagnozy jalpy 222 adamǵa qoiyldy. Saýyǵyp shyqty - 140 naýqas.
