كوروناۆيرۋس ينفەكتسيياسىنا قاتىستى قىزىلوردا وبلىسىنداعى احۋال جٶنٸندە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ مەلٸم ەتتٸ, دەپ حابارلايدى "ۇلت اقپارات".
«سوڭعى تەۋلٸكتە 5 ادامنان قاتەرلٸ ٸندەت ناقتىلاندى. ولاردىڭ 1-ەۋٸ سكرينينگتەن انىقتالسا, 4-ەۋٸ كوروناۆيرۋس جۇقتىرعان ناۋقاسپەن بايلانىستا بولعان ازاماتتار. سوڭعى تەۋلٸكتە بارلىعى 553 زەرتحانالىق سىناما الىنسا, ونىڭ 543 سىناماسى تەرٸس مەندٸ بولدى. 5 سىناما وڭ نەتيجە كٶرسەتسە, 5-ەۋٸ زەرتتەلۋ ٷستٸندە. قالدىق تەست - 5000», – دەدٸ باسقارما باسشىسى.
سونداي-اق, كوروناۆيرۋس ينفەكتسيياسىن جۇقتىرعاندارمەن بايلانىستا بولعان 3242 ازامات انىقتالدى. ونىڭ ٸشٸندە, 1746-سى جاقىن قارىم-قاتىناستا, 1496-سى جاناما بايلانىستا بولعان.
«جالپى 22 سەۋٸردەن بەرٸ قاراي COVID-19 ينفەكتسيياسى 73 ناۋقاستان انىقتالدى. ونىڭ ٸشٸندە 12-سٸ مەديتسينا قىزمەتكەرٸ بولسا, 43-ٸ قارىم-قاتىناس ارقىلى جۇقتىرعاندار, 7-ەۋٸ ۆاحتالىق جۇمىستان كەلگەندەر اراسىنان, 3-ەۋٸ بلوكپوستتا تەكسەرۋ بارىسىندا انىقتالدى. سونداي-اق, 5 ناۋقاس مەديتسينا ۇيىمدارىنداعى فيلتر كابينەتتەرٸنەن تۇماۋ, پنەۆمونييا بەلگٸلەرٸمەن شاعىمدانعان ازاماتتار قاتارىنان بولسا, 1-ەۋٸ رەسەيدەن كەلگەن ستۋدەنت. جابىق مەكەمەلەردٸ سكرينينگٸلەۋ بارىسىندا 2 ناۋقاس بەلگٸلٸ بولدى. سوڭعى 15 كٷننٸڭ ستاتيستيكاسىنا قاراعاندا, ۆيرۋستىڭ جۇعۋ مٷمكٸندٸگٸ قارىم-قاتىناس ارقىلى بولىپ وتىر. سوندىقتان تۇرعىنداردى وقشاۋلانىپ, شەكتەۋ شارالارىنا مۇقييات بولۋعا شاقىرامىز», - دەدٸ باسقارما باسشىسى.
ٶڭٸردە كوروناۆيرۋس دياگنوزى جالپى 222 ادامعا قويىلدى. ساۋىعىپ شىقتى - 140 ناۋقاس.
