Qyzylorda oblysynda koronavirýs juqtyrǵan sońǵy 9 adamnyń barlyǵy Shieli aýdanynda turady. Bul jóninde oblystyq Taýarlar, qyzmetterdiń sapasy men qaýipsizdigin baqylaý departamentiniń Facebook paraqshasynan málim boldy, dep habarlaidy "Ult aqparat".
Naýqastardyń 3-ýi er adam bolsa, 6-ýy áiel adam. Olardyń arasynda eń kishisi - 2012 jyly týǵan qyz. Al jasy eń úlkeni - 1944 jylǵy er adam.
«Qazirgi tańda naýqastardyń jaǵdaiy qanaǵattanarlyq. Bekitilgen algoritmge sáikes naýqastarmen qarym-qatynasta bolǵan adamdar anyqtaldy. Olar meditsinalyq baqylaýǵa alynp jatyr. Aýrý oshaqtarynda epidzertteý jáne dezinfektsiialyq jumystar júrgizilýde», - dep málim etti vedomstvodan.
8 sáýir saǵat 22:35-tegi jaǵdai boiynsha aimaqta koronavirýs infektsiiasyna shaldyqqandar sany 85 adamdy qurady.
Olardyń 9-y Qyzylorda qalasynda, 16-y Jańaqorǵan aýdanynda tirkelse, Qarmaqshyda – 4, Shielide – 47, Syrdariiada - 7, Aralda - 2 jaǵdai anyqtaldy.
