Karantin shekteýinen óńirdegi epidemiologiialyq ahýal jaqsaryp, virýs dinamikasy turaqtandy, dep habarlaidy "Ult aqparat".
Indet órshigen kezden bergi jaǵdaimen salystyrǵanda virýs juqtyrǵandar sany azaiyp, saýyǵyp shyqqandar qatary kóbeidi. Búgingi kúni infektsiialyq statsionarda 51 adam em alýda. Aýdandardaǵy aýrýhanalar ishinen ashylǵan provizorlyq statsionarlar jabylýda. Máselen, keshe Jańaqorǵan aýdanynyń aýrýhanasynan sońǵy naýqas aiyǵyp shyǵyp, úiine oraldy. Emdeý mekemeleri josparly qabyldaýǵa qaita kirisýde.
«Indetti órshitpeý maqsatynda óńirde 6 kompiýterlik tomografiia jumys istep tur. Degenmen, áli de 2 apparatqa qajettilik bar. Degenmen, rentgen apparatyn alý bir ai ishinde 2 esege ósti. Buryn 22 apparat bolsa, qazir 52 apparatqa deiin jetip otyr. Ókpeni jasandy jeldetý apparattary da qajettilikke qarai alynǵan. Shilde aiynda apparat sany 64 bolsa, jańadan 53 ÓJJ apparaty alyndy. Turaqty qoldaý sharalarynyń nátijesinde aimaqta barlyǵy 431 ottegi kontsentratory, 896 ottegi ballony bar. Al óńirde 10 PTR apparaty halyqqa qyzmet jasap, táýligine 1500 synama analizder alýǵa múmkindik berdi», delingen habarlamada.
Koronavirýspen kúreste dári-dármektiń qoryn jasaqtaý mańyzdy. Oblysta barlyq meditsina mekemeleri dárilik zattarmen jáne qorǵanysh quraldarymen qamtamasyz etildi. Búgingi kúni qajettilik esepke alynyp, emdeý mekemelerinde 2 aiǵa jeterlik qor qalyptasty. Al, dárihanalarda 1 aiǵa jeterlik qory jasaqtaldy.
«Óńirde jedel-járdem shaqyrtý da azaidy. Maýsym aiyndaǵy shaqyrtý sanymen salystyrǵanda búginde naýqastardyń qońyraýy eki esege tómendegen. Buryn 2 120 shaqyrý tússe, qazir shaqyrtý 1001 ǵana. Demek, júkteme tómendedi. Shekteý sharalarynyń oń áserinen statsionarǵa jetkizilgen adamdar sany 8 esege azaidy. Maýsymdyq kórsetkish 450 bolsa, shildede 57-ge tómendedi», delingen habarlamada.
Jeke azamattardyń qaýipsizdikti saqtap, oqshaýlanyp, qajetti em-sharalaryn alýyna aqparattyq túsindirme jumystarynyń oń áseri tidi.
Óńirde 24 saǵat call ortalyǵy jumys júrgizip, 161 mobildi top quryldy. Biliktikti dárigerlerdiń qatysýymen «Dáriger saǵaty» baǵdarlamasy ashylyp, tikelei efirde halyqqa qajetti aqparat usynyldy. BAQ pen áleýmettik jelide 37887 material, 220 brifing ótken.
«Sońǵy aptalyq ahýaldyń jaqsarýyna sáikes meditsina mamandary turǵyndardyń karantin talaptaryn saqtap, oqshaýlaný qaǵidasymen júrý qajettigin suraidy. Tek shekteýlerdiń nátijesinde ǵana aiyqqandar sany kóbeiip, virýs indetin túbegeili joiý múmkindigi bolady», delingen habarlamada.
