كارانتين شەكتەۋٸنەن ٶڭٸردەگٸ ەپيدەميولوگييالىق احۋال جاقسارىپ, ۆيرۋس ديناميكاسى تۇراقتاندى, دەپ حابارلايدى "ۇلت اقپارات".
ٸندەت ٶرشٸگەن كەزدەن بەرگٸ جاعدايمەن سالىستىرعاندا ۆيرۋس جۇقتىرعاندار سانى ازايىپ, ساۋىعىپ شىققاندار قاتارى كٶبەيدٸ. بٷگٸنگٸ كٷنٸ ينفەكتسييالىق ستاتسيوناردا 51 ادام ەم الۋدا. اۋداندارداعى اۋرۋحانالار ٸشٸنەن اشىلعان پروۆيزورلىق ستاتسيونارلار جابىلۋدا. مەسەلەن, كەشە جاڭاقورعان اۋدانىنىڭ اۋرۋحاناسىنان سوڭعى ناۋقاس ايىعىپ شىعىپ, ٷيٸنە ورالدى. ەمدەۋ مەكەمەلەرٸ جوسپارلى قابىلداۋعا قايتا كٸرٸسۋدە.
«ٸندەتتٸ ٶرشٸتپەۋ ماقساتىندا ٶڭٸردە 6 كومپيۋتەرلٸك توموگرافييا جۇمىس ٸستەپ تۇر. دەگەنمەن, ەلٸ دە 2 اپپاراتقا قاجەتتٸلٸك بار. دەگەنمەن, رەنتگەن اپپاراتىن الۋ بٸر اي ٸشٸندە 2 ەسەگە ٶستٸ. بۇرىن 22 اپپارات بولسا, قازٸر 52 اپپاراتقا دەيٸن جەتٸپ وتىر. ٶكپەنٸ جاساندى جەلدەتۋ اپپاراتتارى دا قاجەتتٸلٸككە قاراي الىنعان. شٸلدە ايىندا اپپارات سانى 64 بولسا, جاڭادان 53 ٶجج اپپاراتى الىندى. تۇراقتى قولداۋ شارالارىنىڭ نەتيجەسٸندە ايماقتا بارلىعى 431 وتتەگٸ كونتسەنتراتورى, 896 وتتەگٸ باللونى بار. ال ٶڭٸردە 10 پتر اپپاراتى حالىققا قىزمەت جاساپ, تەۋلٸگٸنە 1500 سىناما اناليزدەر الۋعا مٷمكٸندٸك بەردٸ», دەلٸنگەن حابارلامادا.
كوروناۆيرۋسپەن كٷرەستە دەرٸ-دەرمەكتٸڭ قورىن جاساقتاۋ ماڭىزدى. وبلىستا بارلىق مەديتسينا مەكەمەلەرٸ دەرٸلٸك زاتتارمەن جەنە قورعانىش قۇرالدارىمەن قامتاماسىز ەتٸلدٸ. بٷگٸنگٸ كٷنٸ قاجەتتٸلٸك ەسەپكە الىنىپ, ەمدەۋ مەكەمەلەرٸندە 2 ايعا جەتەرلٸك قور قالىپتاستى. ال, دەرٸحانالاردا 1 ايعا جەتەرلٸك قورى جاساقتالدى.
«ٶڭٸردە جەدەل-جەردەم شاقىرتۋ دا ازايدى. ماۋسىم ايىنداعى شاقىرتۋ سانىمەن سالىستىرعاندا بٷگٸندە ناۋقاستاردىڭ قوڭىراۋى ەكٸ ەسەگە تٶمەندەگەن. بۇرىن 2 120 شاقىرۋ تٷسسە, قازٸر شاقىرتۋ 1001 عانا. دەمەك, جٷكتەمە تٶمەندەدٸ. شەكتەۋ شارالارىنىڭ وڭ ەسەرٸنەن ستاتسيونارعا جەتكٸزٸلگەن ادامدار سانى 8 ەسەگە ازايدى. ماۋسىمدىق كٶرسەتكٸش 450 بولسا, شٸلدەدە 57-گە تٶمەندەدٸ», دەلٸنگەن حابارلامادا.
جەكە ازاماتتاردىڭ قاۋٸپسٸزدٸكتٸ ساقتاپ, وقشاۋلانىپ, قاجەتتٸ ەم-شارالارىن الۋىنا اقپاراتتىق تٷسٸندٸرمە جۇمىستارىنىڭ وڭ ەسەرٸ تيدٸ.
ٶڭٸردە 24 ساعات call ورتالىعى جۇمىس جٷرگٸزٸپ, 161 موبيلدٸ توپ قۇرىلدى. بٸلٸكتٸكتٸ دەرٸگەرلەردٸڭ قاتىسۋىمەن «دەرٸگەر ساعاتى» باعدارلاماسى اشىلىپ, تٸكەلەي ەفيردە حالىققا قاجەتتٸ اقپارات ۇسىنىلدى. باق پەن ەلەۋمەتتٸك جەلٸدە 37887 ماتەريال, 220 بريفينگ ٶتكەن.
«سوڭعى اپتالىق احۋالدىڭ جاقسارۋىنا سەيكەس مەديتسينا ماماندارى تۇرعىنداردىڭ كارانتين تالاپتارىن ساقتاپ, وقشاۋلانۋ قاعيداسىمەن جٷرۋ قاجەتتٸگٸن سۇرايدى. تەك شەكتەۋلەردٸڭ نەتيجەسٸندە عانا ايىققاندار سانى كٶبەيٸپ, ۆيرۋس ٸندەتٸن تٷبەگەيلٸ جويۋ مٷمكٸندٸگٸ بولادى», دەلٸنگەن حابارلامادا.
