Foto: ashyq derekkóz
Qarjylyq monitoring agenttiginiń Qyzylorda oblysy boiynsha departamenti el azamattaryna zańsyz investitsiialyq joba retinde usynylǵan «HRT» qarjy piramidasynyń qyzmetin anyqtap, toqtatty, dep habarlaidy Ult.kz.
Uiymdastyrýshylar jobaǵa qatysýshylardy elektrosamokattardy satyp alyp, olardy Eýropa elderinde jalǵa berý arqyly paida tabýǵa sendirgen. Qatysýshylardan arnaiy «HRT» shotyna kriptovaliýta aýdarýy jáne kem degende eki jańa salymshy tartýy talap etilgen.
Qarjy piramidasynyń saldary:
-
200-den astam azamat 50 AQSh dollarynan 35 myń AQSh dollaryna deiingi qarjysyn salyp, ai saiyn 1 200 AQSh dollaryna deiin tabys tabamyz dep úmittengen.
-
Zańsyz alynǵan qarajattyń jalpy somasy 28 million teńgeden asqan.
-
Kúdiktiler bul qarajatqa eki avtokólik – «BMW 530I Xdrive» jáne «Changan Alsvin» satyp alǵan. Kólikterge sottyń sanktsiiasymen tyiym salyndy.
Tergeý jumystary:
Qazirgi ýaqytta «HRT» qarjy piramidasynyń qurylymdyq bólimshelerin Aqtóbe, Almaty, Atyraý, Jambyl oblystarynda, sondai-aq Astana men Almaty qalalarynda qurý faktisi boiynsha tergeý júrgizilýde. Kúdiktilerge qatysty úiqamaq bultartpaý sharasy qoldanyldy.
