Qyzylorda oblysy ákimi Q.Kósherbaev oblys aktiviniń jiynynda Memleket basshysy N.Á.Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna Joldaýynyń negizgi mindetterin júzege asyrý jaiyn aitty.
Is-sharaǵa onlain rejiminde oblys aýdandarynyń aktivteri qatysty.
Jiynda ár salanyń ókilderi joldaýǵa qatysty pikirlerin bildirdi. Olardyń qatarynda «Syr marjany» JShS bas direktory Minajadin Ýteev, óńirlik kásipkerler keńesiniń tóraǵasy Asqar Mahambetov, oblystyq meditsina ortalyǵynyń direktory, oblystyq máslihat depýtaty Nuridin Amitov, M.Mámetova atyndaǵy joǵary pedagogikalyq kolledj direktory Baqytjan Sailybaev jáne Sankt-Peterbýrg ýniversitetiniń túlegi, «SKZ-U» zaýytynyń injener-tehnology Smaiylova Jazira oilarymen bólisip, usynystaryn aitty.
Aimaq basshysy atap ótkendei, táýelsizdik jyldary kóp jumys atqaryp, jańa memleket quryp, beibitshilik pen qoǵamdyq kelisimdi qamtamasyz etý múmkindigi týdy. Qazaqstannyń halyqaralyq bedeli artyp, onyń geosaiasi róliniń kúsheiýine qol jetti.
«Búgingi aktiv jiyny Memleket basshysynyń "Qazaqstandyqtardyń ál-aýqatynyń ósýi: tabys pen turmys sapasyn arttyrý" atty Qazaqstan halqyna arnaǵan Joldaýyna jáne «Bolashaqqa baǵdar: rýhani jańǵyrý» atty baǵdarlamalyq maqalasy boiynsha aldaǵy mindetterdi aiqyndaýǵa arnalady. Jahandaný zamanynda árbir ulttyń ózin-ózi tanýǵa umtylýy – zańdylyq. Osy rette, Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasy Rýhani silkiniske jol kórsetýshi baǵdar retinde jappai qoldaýǵa ie bolyp, qoǵamdaǵy jańǵyrý úderisterine zor serpin berdi. Sondyqtan, bul bastamany ári qarai jalǵastyra otyryp, onyń aiasyn jańa mazmunmen jáne tyń baǵyttarmen tolyqtyra beretin bolamyz»,-dedi aimaq basshysy.
Aimaq basshysy Joldaýdaǵy «adami kapitaldy» damytý jónindegi pikirdi erekshe atap ótti.
«Zamanaýi qoǵamda áleýmettik-ekonomikalyq damýdyń sandyq emes, sapalyq sipattamalary birinshi orynǵa qoiylady. Qazirgi tańda ekonomikalyq ósimniń jáne bar qundylyqtyń negizgi qozǵaýshy kúshi - adam, onyń bilimi men daǵdysy bolýy kerek. Onyń ónimdi eńbek áreketteri bilimine, daǵdysyna, tájiribesine bailanysty bolady. Osylaisha ekonomikalyq ósimniń de joǵary sapasy qamtamasyz etiledi», - dedi Qyrymbek Eleýuly.
Memleket basshysy biznesti órkendetýdiń mańyzdylyǵyn taǵy da atap ótip, qazaqstandyqtardyń basym bóligin tabyspen qamtamasyz etýde onyń tiimdiliginiń zor ekenin aitty. Biylǵy jyldy óńirde «Jappai kásipkerlikti qoldaý jyly» dep jariialanǵan bolatyn. Osy jumystardyń oń nátije berýine orai 2018-2020 jyldardy óńirimizde jappai kásipkerlikti damytýdyń úsh jyldyǵy dep qaita jariialandy. Osy rette, jumys jasap turǵan shaǵyn jáne orta biznes sýbektileriniń sany boiynsha jyl basynan beri óńirler arasynda Qyzylorda oblysy kósh bastap tur.
9 aidyń qorytyndysymen kásipkerlik salasynda 101 jobaǵa nesie boiynsha paiyzdyq mólsherlemelerdi sýbsidiialaý maquldandy. Sondai-aq, shaǵyn jáne orta biznes nesiesi boiynsha 52 jobaǵa kepildik usynyldy, granttyq qarjylandyrýǵa 200 mln. teńge bólinip, oblystyń 224 kásipkeriniń jobasy qoldaý tapty. Budan basqa, ónimdi jumyspen qamtý jáne jappai kásipkerlikti damytý baǵdarlamasy aiasynda 2018 jyly respýblikalyq biýdjetten mikrokreditter berý úshin 3489 mln. teńge jáne oblystyq biýdjetten mikrokreditterdi ulǵaitý úshin 1 mlrd. teńge bólindi.
Aimaq basshysy óńirdiń basqa da jetistikterin, ári qarai sheshilýi tiis máselelerin atap ótip, jaýapty tulǵalarǵa birqatar tapsyrmalar júktedi.
Qorytyndylai kele, oblys ákimi Q.Kósherbaev áriptesterin Elbasynyń alǵa qoiǵan mindetterin júzege asyrýǵa shaqyrdy.
