Qyzylorda oblysynda bir otbasynyń 4 adamy tútinge ýlanyp, aýrýhanaǵa tústi, dep habarlaidy "Ult aqparat".
Oqiǵa búgin, 23 jeltoqsanda saǵat 03.56-da boldy. Jańaqorǵan aýdanynyń Ekpindi aýylynda turatyn otbasy músheleri peshtiń aqaýynan taraǵan kómirqyshqyl gazyna ýlanǵan.
«Olardyń úsheýi – eresek adam bolsa, bireýi – bala. Oqiǵa ornyna qutqarýshylarmen birge jedel járdem brigadasy da keldi. Ýlanǵan adamdar aýdandyq aýrýhanaǵa jetkizildi», - dep málim etti Qyzylorda oblysy Tótenshe jaǵdailar departamentiniń Órt sóndirý jáne avariialyq qutqarý jumystary qyzmetinen.
