Foto: © Pixabay
Qyzylorda oblysynda bank qyzmetkeri 600 mln teńgeden astam aqshany urlap ketken. Urlyq faktisin boiynsha QMA óńirlik departamenti tergep jatyr, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Bank qoimasyndaǵy qarajatty tekserý barysynda 602 900 000 teńge jetispeitindigi anyqtalǵan.
"Kontroller-kassir shamamen 1 000 000 teńgeden 4 000 000 teńgege deiin aqshany bólshektep, kassadan urlaǵany belgili boldy.
Banktiń 2021-2023 jyldar aralyǵyndaǵy beinebaqylaý kameralarynyń jazbalary tárkilendi, onda kassadan halattyń jeńine oralǵan aqshalardy shyǵarý arqyly urlaý faktileri tirkelgen.
Kúdikti jasaǵan qylmystyq quqyq buzýshylyqty tolyq moiyndady.
Sotqa deiingi tergep-tekserý barysynda býkmekerlik keńseden onyń atyna tirkelgen shotynan aqparat alynyp, sońǵy 3,5 jylda esepshotqa 158 mln teńge túskeni anyqtaldy" - delingen habarlamada.
Sonymen qatar onyń atyna jáne jubaiynyń atyna tirkelgen abonenttik nómirlerden býkmekerlik keńselerdiń esepshotyna aqsha aýdarý boiynsha operatsiialar júrgizilgeni týraly aqparat kelip túsken.
"Kúdikti qamaýǵa alynyp, ýaqytsha ustaý izoliatoryna qamaldy.
Sotqa deiingi tergeý jalǵasýda. QR QPK 201-babyna sáikes ózge málimetter jariia etilýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen agenttik habarlamasynda.
