Qyzylorda oblysyndaǵy Qarashalań sý aidynynda balyq shabaqtarynyń qyrylý oqiǵasy tirkeldi. Bul týraly Balyq sharýashylyǵy komitetiniń baspasóz qyzmeti málim etti, - dep habarlaidy Tengrinews.kz "Almaty" telearnasyna silteme jasap.
"18 aqpanda saǵat 16.30 shamasynda Qyzylorda oblysy, Aral aýdany, Bógen aýyldyq okrýgine qarasty Qarashalań sý aidynyna balyq shabaqtarynyń qyrylý oqiǵasy tirkeldi. Ol Syrdariia ózeninen sý alatyn Saǵynbai arnasynda ornalasqan. Ony jergilikti halyq Kógish dep ataidy. Jedel túrde quzyrly organdardyń birlesip jumys jasaý algoritmine sáikes qajetti is-sharalar qolǵa alyndy", - dedi balyq sharýashylyǵy komitetiniń baspasóz hatshysy Aslan Jeńisov.
Vedomstvo málimetinshe, bul baǵytta Aral-Syrdariia oblysaralyq basseindik balyq sharýashylyǵy inspektsiiasy tarapynan arnaiy top qurylǵan. Mamandar oqiǵa bolǵan jerge attanǵan. Qosymsha aqparat keiin jariialanady.
