Áleýmettik jelide Qyzylorda oblysynda jasóspirimniń aiaýsyz soqqyǵa jyǵylǵany túsirilgen video tarap jatyr, - dep habarlaidy Tengrinews.kz.
Videoda eki adamnyń jerde jatqan jigitti uryp jatqany kórsetilgen. Olar jigitke "uiyqta" dep soqqy men tepkiniń astyna alady. Keiin video áleýmettik jeliden óshirildi.
Tártip saqshylary oqiǵa 6 sáýirde Qazaly aýdanynda bolǵanyn aitty.
"Aýdandyq aýrýhanadan kámeletke tolmaǵan balanyń emdelip jatqany týraly habarlama kelip tústi, bul derek Qazaly aýdanynyń politsiia bóliminde tirkeldi.
Jasóspirimniń aitýynsha, sol kúni Áiteke bi kentindegi Jalańtós bahadúr atyndaǵy saiabaqta jańbyrdan keiin taiǵaq jolda abaisyzda qulap qalǵan. Qazir jigittiń jaǵdaiy qanaǵattanarlyq, jábirlenýshi men ata-anasynan shaǵym túsken joq", - dedi Qyzylorda oblysynyń politsiia departamenti ókilderi.
Soǵan qaramastan tártip saqshylary áleýmettik jelide qosymsha monitoring júrgizip, eki kámeletke tolmaǵan balanyń bul jasóspirimdi soqqyǵa jyqqanyn anyqtady.
"Bul derek Qazaly aýdandyq politsiia bóliminiń sotaldy tergep-tekserýdiń biryńǵai tizilimine Qylmystyq kodekstiń 293-babynyń 2-bóligi "buzaqylyq" boiynsha tirkeldi. Qazir tergeý amaldary júrgizilip jatyr. Tiis saraptamalar taǵaiyndaldy. Kúdiktiler politsiia bólimine jetkizildi", - dedi vedomstvodaǵylar.
