Aǵymdaǵy jyly aimaq boiynsha 1747 páterge eseptelgen 69 turǵyn úidiń 55-i, onyń ishinde Qyzylorda qalasynda Syrdariia ózeniniń sol jaǵalaýyndaǵy 14 kóppáterli turǵyn úi, iaǵni tutas shaǵyn móltek aýdan paidalanýǵa beriledi dep josparlanýda.
Óńirde 2013-2018 jyldary 2,6 mln.m2 turǵyn úi paidalanýǵa berildi, al, sońǵy 2 jylda memlekettik qarajat jáne jeke merdigerlerdiń esebinen 500 myń sharshy metr turǵyn úi salynǵan.
"Elbasynyń Bes áleýmettik bastamasy óńirdi damytý jáne azamattarymyzdyń ál-aýqatyn jaqsartýdy kózdeidi. Eń aldymen, bul, árine, turǵyn úi satyp alý boiynsha jańa múmkindikterdi qamtidy. Osyǵan bailanysty búginde Qyzylorda oblysynyń aýmaǵynda 1747 páterlik taǵy 69 kóppáterli turǵyn úidiń qurylysy júrgizilýde. Keminde 55-in biyl iske qosamyz, olardyń qatarynda Syrdariianyń sol jaǵalaýyndaǵy 14 kóppáterli turǵyn úiden quralatyn tutas shaǵyn móltek aýdandy paidalanýǵa berý josparlanyp otyr", - dedi aimaq basshysy Qyrymbek Kósherbaev QR Ortalyq kommýnikatsiialar qyzmetinde ótken baspasóz máslihatynda.
Aita keteiik, 2013 jyldan bastap qolǵa alynǵan aimaqtaǵy apatty jaǵdaidaǵy kezekte turǵan úi ieleriniń máselesi 2017 jyly oń sheshimin tapty. Búgingi tańda oblys boiynsha apatty jaǵdaidaǵy úilerdiń ornyna 645 otbasy úshin jańa jaily baspana salyndy.
Sonymen qatar, sońǵy 3 jylda jeke turǵyn úi qurylysy (IJS) sheńberinde 24 myńnan astam jer ýchaskesi injenerlik infraqurylymmen qamtamasyz etildi. Nátijesinde, tek 2017 jyldyń ózinde turǵyndardy baspanamen qamtý 17%-ǵa jýyq, al, 2018 jyldyń 9 aiynda taǵy 4%-ǵa ósti.
"Biz aldymyzǵa áleýmettik osal topty barynsha qoljetimdi turǵyn úimen qamtamasyz etý mindetin qoiyp otyrmyz. Ol úshin "Orda" turǵyn úi qurylysynyń Jol kartasyn ázirledik. Nesielik turǵyn úi barlyq kópbalaly otbasylar, múgedekter jáne halyqtyń az qamtylǵan basqa da toptary úshin qoljetimdi bolmaitynyn eskere otyryp, jyl saiyn oblystyq biýdjetten "Nurly jer" baǵdarlamasy aiasynda salynyp jatqan nesielik turǵyn úilerdi satyp alýǵa qarajat bólý týraly sheshim qabyldadyq. Bastapqy jarnasyz halyqqa keiinnen satyp alý quqyǵymen ai saiynǵy jalǵa alý tólemderin tóleý shartymen beriledi. Ony iske asyrýǵa 3,5 mlrd. teńge qarastyryldy. Bul baǵdarlamanyń múmkindikterin apatty úiler men jataqhanalarda turǵan turǵyndar paidalanyp úlgerdi", - dedi oblys ákimi.
Anyqtama: qazirgi tańda Syrdariianyń sol jaǵalaýyndaǵy alǵashqy nysan - "Rýhani jańǵyrý" ortalyǵy men qalalyq murajai ashyldy. Jyl sońyna deiin 14 kóppáterli turǵyn úi, 320 oryndyq balabaqsha, "Bolashaq" ýniversitetiniń kampýsy jáne jastarǵa qyzmet kórsetý ortalyǵy paidalanýǵa beriledi.
