Syr óńirinde 200-den astam áleýmettik nysan salyndy. Olardyń deni - densaýlyq saqtaý, bilim berý, sport jáne mádeniet salasynyń nysandary. Bul týraly Astana qalasynda ótken Ortalyq kommýnikatsiialar qyzmetiniń baspasóz máslihatynda Qyzylorda oblysynyń ákimi Qyrymbek Kósherbaev málimdedi, dep habarlaidy "Ult aqparat".
Sondai-aq, sońǵy 5 jylda halyqtyń jan basyna shaqqanda áleýmettik salaǵa arnalǵan biýdjet shyǵystary boiynsha oblys respýblikada kóshbasshy bolyp keledi.
"2013 jyldan bastap 200-den astam áleýmettik sala nysandary paidalanýǵa berildi. Olar - densaýlyq saqtaý, bilim berý, sport jáne mádeniet salasynyń nysandary. Mysaly, 57 apattyq meditsinalyq bekettiń ornyna 49-y salyndy, qalǵany 2019 jyldyń birinshi jartysynda iske qosylady», - dedi aimaq basshysy.
Osyǵan orai, 2013 jyldyń basyndaǵy esep boiynsha apattyq jaǵdaidaǵy 37 mektep anyqtalsa, búginde úsh aýysymdyq oqý jáne apattyq mektepter máselesi tolyqtai sheshildi.Sonymen qatar, oblysta "Balapan" baǵdarlamasy merziminen buryn iske asyryldy - 3-6 jas aralyǵyndaǵy balalardy mektepke deiingi bilim men tárbiemen qamtý máselesi 100% sheshimin tapty. 2013 jyldan bastap qolǵa alynǵan aimaqtaǵy apatty jaǵdaidaǵy kezekte turǵan úi ieleriniń máselesi 2017 jyly oń sheshimin tapty. Sondai-aq, aǵymdaǵy jyly óńirde Jańaqorǵan men Jalaǵash aýdandaryndaǵy 2 mektep apatty jaǵdaida dep tanyldy, bul másele nazarǵa alynyp, tiisti jumystar júrgizilýde.
