Foto: Tengrinews.kz, © Turar Qazanǵapov
Qyzylorda oblysynda mektepterden 543 million teńge jymqyrǵandar anyqtaldy, - dep habarlaidy Tengrinews.kz.
Antikor Qyzylorda oblysyndaǵy mektepterde laýazymdy tulǵalardyń jalǵan aqparat berip, biýdjet qarajatyn bógde tulǵalarǵa aýdarǵany týraly 15 is qozǵady. Tergeý nátijesinde qazynaǵa 100 million teńge qaitaryldy. Qarjy jymqyrýǵa qatysy bar bilim basqarmasynyń eki qyzmetkeri ustalyp, úsh mektep direktory men bes esepshi jumystan bosatyldy.
"Anyqtalǵandai, bilim berý uiymdarynda tiisti biznes-protsester avtomattandyrylmaǵan. Iaǵni, "1S býhgalteriia" jáne "Qazynashylyq-Klient" baǵdarlamalarynyń kemshilikterin paidalanyp, asa iri kólemde biýdjet qarjysy jymqyrylǵan. Qarjylyq operatsiialar qaǵaz júzinde júrgizilip, biýdjettik qarajat negizsiz artyq kórsetilgen", – dedi oblystyq sybailas jemqorlyqqa qarsy kúres departamenti basshysynyń birinshi orynbasary Asylhan Ashyqov.
