Foto: Astanatv.kz
Qyzylorda oblysynda naǵashysynyń úiine qydyryp barǵan 2 jasar sábi qudyqqa qulap, mert boldy, dep habarlaidy QazAqparat agenttigi.
24 naýryzda Qyzylorda oblystyq Tótenshe jaǵdailar departamenti Daǵdarys jaǵdaiynda basqarý basqarmasyna habarlama kelip túsken.
«Onda Jańaqorǵan aýdanyna qarasty Qandóz aýylyndaǵy turǵyn úide sý alatyn qudyqqa 2021 jyly týǵan sábi qulap ketip, qaza bolǵany aityldy. Ol Túrkistan oblysy, Saýran aýdany, Baltakól eldi mekeninen anasymen birge naǵashysynyń úiine qonaqqa kelgen», - dedi oblystyq Tótenshe jaǵdailar departamenti baspasóz qyzmetiniń jetekshisi Aigúl Nurmanova.
