Qyzylorda oblysy Jańaqorǵan aýdanynda jańa qorǵasyn-myrysh taý-ken baiytý kombinatynyń (KBK) qurylysy bastaldy.
Bolashaqta baiytý fabrikasy turǵyzylatyn orynǵa qurylys jumystarynyń bastalýy irgesine 2068 jylǵy Shalqiia TBK qyzmetkerlerine joldaý arnalǵan «Ýaqyt kapsýlasyn» salyp, belgi qoiý rásimimen saltanatty túrde ótti.
Qurylystyń saltanatty ashylý rásimine Qyzylorda oblysynyń ákimi Qyrymbek Kúsherbaev, «Samuryq-Qazyna» ulttyq ál-aýqat qory» AQ Basqarma Tóraǵasynyń orynbasary Alik Aidarbaev, «Taý-Ken Samuryq» ulttyq taý-ken kompaniiasynyń Basqarma Tóraǵasy Qanat Qudaibergen jáne ENGINEERING DOBERSEKGmbH merdiger kompaniianyń bas direktory Albin Dobersek qatysty.
KBK joǵary sapaly myrysh jáne qorǵasyn kontsentrattaryn shyǵaratyn bolady. Bul ónimniń Qazaqstanda, sonymen qatar álemdik naryqtaǵy qajettiligi eleýli deńgeide ótkizý naryǵyna kepildik beredi.
Jobanyń quny – 235 mlrd. teńge, qazigi ýaqytta 35 mlrd. teńge, onyń ishinde, 2018 jyly – 12 mlrd. teńgeden astam investitsiia igerilgen.
Ken orynynyń dáleldengen qory kendi 2051 jylǵa deiin óndirý jáne baiytý múmkindigin kózdeidi.
«ShalqiiaTsink LTD» AQ-nyń bas direktory Asqar Jaýkenov «ónimdiligi 2 mln. tonnany quraityn keshenniń 1-shi kezegin 2020 jylǵy qazanda paidalanýǵa berý josparlanyp otyr, al, qýaty 4 mln. tonnany quraityn keshenniń 2-shi kezegi óz jumysyn 2021 jylǵy qarashada bastaidy» dep habarlady.
Jobany iske asyrý kezeńinde 1500 adam jumys ornymen qamtamasyz etiledi.
Óńirdiń ekonomikalyq jáne áleýmettik damýy úshin osy salynatyn kásiporynnyń strategiialyq mańyzdylyǵyn eskere otyryp, Qyzylorda oblysynyń ákimdigi, «Shalqiia Tsink» LTD» AQ jáne ENGINEERING DOBERSEK kompaniiasy Shalqiia KBK qurylysyna bailanysty máselelerde bir-birine ózara qoldaý kórsetý týraly kelisti jáne tiisti memorandýmǵa qol qoidy.
Biregei tehnikalyq jáne tehnologiialyq sheshimder joǵary ónimdilikti jáne energiialyq shyǵyndardyń azaiýyn qamtamasyz etedi. Mysaly, kendi usatýdyń birinshi kezeńi jer astynda júzege asyrylady. Shikizatty shahtadan jer betine tiimdiligi joǵary, biiktigi 200 m tik konveier (Qazaqstanda mundai qurylǵy bolmaǵan) kóteretin bolady.
«ShalqiiaTsink LTD» AQ-nyń Jobalardy basqarý jónindegi basqarýshy direktory Anatoii Ligaidyń aitýynsha, avtomattandyrý men dispetcherleýdiń joǵary deńgeii óndiristik tsikl týraly aqparattyń onlain qoljetimdiligin, protsessti jáne jabdyqtardy qashyqtyqtan basqarýdy qamtamasyz etetin bolady. Bul adami faktor áserin tómendetedi jáne onyń nátijesinde KBK turaqty jumysyn qamtamasyz etedi.
Ken baiytýdyń tehnologiialyq shemasyn ázirleýge jáne ońtailandyrýǵa álemdegi tanymal kompaniialar «Mehanobr», «Outotec», «Engineering Dobersek», «TOMS» qatysty.
