Qyzylorda qalasynyń Qaraýyltóbe aýylynan 12 shaqyrym jerde kúrish egistigin óńdeý kezinde AN-2 ushaǵy qulady, dep habarlaidy "Ult aqparat" TJM silteme jasap.
«4 shildede saǵat 07.00-de Qyzylorda qalasynyń Qaraýyltóbe aýylynan 12 shaqyrym jerde kúrish egistigin óńdeý kezinde AN-2 ushaǵy qulady. Ol ushyp shyqqannan keiin birneshe saǵattan soń tehnikalyq aqaý saldarynan qonýǵa májbúr bolyp, eginniń ústine qulaǵan. Ushaq bortynda 1954 jáne 1967 jyldary týǵan eki pilot bolǵan. Olar aýrýhanaǵa jetkizildi. Aldyn ala málimet boiynsha olardyń jaǵdaiy qanaǵattanarlyq. Ushaq «Ilisa» JShS-ne tiesili», - delingen habarlamada.
TASS agenttiginiń jazýynsha, Qazaqstanda 290 dana An-2 ushaǵy qoldanysta.
Naýryzda Almaty túbinde ulttyq qaýipsizdik qyzmetine tiesili An-24 ushaǵy qulap, bortta bolǵan 6 adamnyń tórteýi qaza tapqan.
Al aqpannyń sońynda Boraldai-Kegen baǵyty boiynsha sanitarlyq reispen ushaqpen AN-2 ushaǵy apatty jaǵdaida qonýǵa májbúr bolǵan. Ushaq bortynda bolǵan bes adam aman qalǵan. Osyǵan uqsas jaǵdai 8 aqpan kúni de bolǵan. Óskemen-Zaisan baǵytynda ushqan An-2 ushaǵy da shuǵyl qonýǵa májbúr bolǵan.
