قىزىلوردا قالاسىنىڭ قاراۋىلتٶبە اۋىلىنان 12 شاقىرىم جەردە كٷرٸش ەگٸستٸگٸن ٶڭدەۋ كەزٸندە ان-2 ۇشاعى قۇلادى, دەپ حابارلايدى "ۇلت اقپارات" تجم سٸلتەمە جاساپ.
«4 شٸلدەدە ساعات 07.00-دە قىزىلوردا قالاسىنىڭ قاراۋىلتٶبە اۋىلىنان 12 شاقىرىم جەردە كٷرٸش ەگٸستٸگٸن ٶڭدەۋ كەزٸندە ان-2 ۇشاعى قۇلادى. ول ۇشىپ شىققاننان كەيٸن بٸرنەشە ساعاتتان سوڭ تەحنيكالىق اقاۋ سالدارىنان قونۋعا مەجبٷر بولىپ, ەگٸننٸڭ ٷستٸنە قۇلاعان. ۇشاق بورتىندا 1954 جەنە 1967 جىلدارى تۋعان ەكٸ پيلوت بولعان. ولار اۋرۋحاناعا جەتكٸزٸلدٸ. الدىن الا مەلٸمەت بويىنشا ولاردىڭ جاعدايى قاناعاتتانارلىق. ۇشاق «يليسا» جشس-نە تيەسٸلٸ», - دەلٸنگەن حابارلامادا.
تاسس اگەنتتٸگٸنٸڭ جازۋىنشا, قازاقستاندا 290 دانا ان-2 ۇشاعى قولدانىستا.
ناۋرىزدا الماتى تٷبٸندە ۇلتتىق قاۋٸپسٸزدٸك قىزمەتٸنە تيەسٸلٸ ان-24 ۇشاعى قۇلاپ, بورتتا بولعان 6 ادامنىڭ تٶرتەۋٸ قازا تاپقان.
ال اقپاننىڭ سوڭىندا بورالداي-كەگەن باعىتى بويىنشا سانيتارلىق رەيسپەن ۇشاقپەن ان-2 ۇشاعى اپاتتى جاعدايدا قونۋعا مەجبٷر بولعان. ۇشاق بورتىندا بولعان بەس ادام امان قالعان. وسىعان ۇقساس جاعداي 8 اقپان كٷنٸ دە بولعان. ٶسكەمەن-زايسان باعىتىندا ۇشقان ان-2 ۇشاعى دا شۇعىل قونۋعا مەجبٷر بولعان.
