Memleket basshysy N.Á.Nazarbaev qyzylordalyqtardy 200 jyldyq mereitoimen quttyqtap hat joldady.
27 qyrkúiek – 10 qazan aralyǵynda Syr jurtshylyǵy Qyzylorda qalasynyń 200 jyldyq mereitoiyn atap ótedi. 28 qyrkúiek kúni aimaqta QR Memlekettik hatshysy Gúlshara Ábdiqalyqova men oblys ákimi Qyrymbek Kósherbaev, Aqtóbe oblysynyń ákimi Berdibek Saparbaev, akademik Asqar Jumadildaev, QR Eltańbasynyń avtory Jandarbek Málibekov, sondai-aq, Syr óńirinen shyqqan tanymal tulǵalardyń qatysýymen merekelik is-sharalar ótti.
«Syr súleileri» alleiasynan bastaý alǵan merekelik sharalar legi turǵyndarǵa ulttyq taǵam túrlerinen dám tatqyzǵan «Qaýyn-qarbyz», «Qymyz-shubat» jáne «Baýyrsaq» dástúrli festivalderi, sondai-aq, qolóner buiymdarynyń kórmesi, ulttyq sport túrlerinen saiystar, ulttyq-etnografiialyq kontsert uiymdastyryldy. Sonymen qatar, kiiz úi qalashyǵynda Elordanyń 20 jyldyǵyna arnalǵan kórme men sol jaǵalaýdyń damý jospary, qurylysynyń úlgileri jáne maketteri, Y.Jaqaev atyndaǵy ǵylymi-zertteý ortalyǵy jaily málimettermen tanystyryldy.
Sondai-aq, Syrdariianyń sol jaǵalaýynan paidalanýǵa beriletin alǵashqy nysan – «Rýhani jańǵyrý» ortalyǵy men qalalyq murajai ǵimaratynyń saltanatty ashylý rásimi ótti. Bul nysan 1925 jyly ulttyń resmi «qazaq» atalýy týraly tarihi sheshim qabyldanǵan Qazaq Ortalyq Atqarý Komitetiniń syzba-nusqasy negizinde salynǵan.
Al, N.Bekejanov atyndaǵy drama teatrynda ótken saltanatty sharada QR Memlekettik hatshysy Gúlshara Ábdiqalyqova qyzylordalyqtardy mereitoimen quttyqtap, aimaqtyń áleýmettik-mádeni damýyndaǵy jetistikterin atap ótti. Sonymen qatar, Memleket basshysy N.Á.Nazarbaevtyń Qyzylorda qalasynyń 200 jyldyq mereitoiymen quttyqtaýyn jetkizdi.
Óz kezeginde, aimaq basshysy Q.Kósherbaev oblystyń áleýmettik-ekonomikalyq damýy týraly baiandady.
«Jańa qala - sol jaǵalaýdan investorlardyń qarjysy esebinen salynyp jatqan 16 kópqabatty turǵyn úidiń, 320 oryndyq balabaqsha men «Bolashaq» ýniversiteti kampýsy jáne jastar resýrstyq ortalyǵynyń jyl sońyna deiin paidalanýǵa berilýi qala turǵyndary úshin negizgi mereitoilyq tartý bolmaqshy. Búgin biz ultymyzdyń resmi «qazaq» atalýy týraly tarihi sheshim qabyldanǵan Qazaq Ortalyq Atqarý Komitetiniń syzba-nusqasymen salynǵan sol jaǵalaýdaǵy alǵashqy nysannyń saltanatty ashylý rásimin ótkizip otyrmyz»,-dedi aimaq basshysy.
Saltanatty sharada QR Memlekettik hatshysy Gúlshara Ábdiqalyqova, Aqtóbe oblysynyń ákimi Berdibek Saparbaev, memleket jáne qoǵam qairatkeri Vitalii Brynkin, akademik Asqar Jumadildaev, UǴA akademigi Sultan Sartaev, aqyn, Memlekettik premiia laýreaty Iranbek Orazbaev jáne QR Eltańbasynyń avtory, «Qurmet» ordeniniń kavaleri Jandarbek Málibekov Qyzylorda qalasynyń 200 jyldyǵy mereitoilyq medalimen marapattaldy.
Saltanatty shara ortalyq alańda Qairat Nurtas, Tóreǵali Tóráli, Madina Sádýaqasova, Serik Ibragimov t.b qazaq estradasy juldyzdarynyń qatysýymen ótken gala-kontsertpen jalǵasty.
29 qyrkúiek kúni aýdandardyń aýylsharýashylyq ónimderi jármeńkesi, at sportynyń saiystary men qazaqsha kúresten túrnir ótedi. Qala kúnine orai qaiyrymdylyq aktsiialary, kontsertter men basqa da mádeni-kópshilik sharalar uiymdastyrylatyn bolady.
