Eýropa ǵarysh agenttiginiń Mars Express ǵalamshararalyq avtomatty stansasy muz qatyp jatqan Korolev krateriniń sýretterin Jerge jiberdi, dep habarlaidy "Ult aqparat" Agenttiktiń resmi saityna silteme jasap.
Mars Express 2003 jyldyń 2 maýsymynda ǵaryshqa ushqan bolatyn. Alty aidan keiin apparat Marsqa jetip, onyń orbitasyna shyqqan. Jeltoqsan aiynda Eýropa ǵarysh agenttigi missiianyń 15 jyldyǵyn toilady, al spýtnikten alynǵan sýretter mereitoiǵa laiyqty tartý boldy. Fotosýretter dáldigi joǵary HRSC stereokameralarymen túsirilgen. Sýretterden tys, spýtnik ǵalymdarǵa Korolev atyndaǵy kraterdiń topografiialyq derekterin de jiberdi.
Kraterdiń diametri - 82 kilometr. Ol ǵalamshardyń soltústik poliarlyq bóligindegi tóbelikterdiń ońtústik jaǵynda ornalasqan. Sýdan qatqan muzdyń tereńdigi 1,8 kilometrge jetedi. Muz qabatynyń ústindegi atmosferanyń tabiǵi jolmen salqyndaýy kraterdegi muzdy erip ketýden saqtaidy.
