ەۋروپا عارىش اگەنتتٸگٸنٸڭ Mars Express عالامشارارالىق اۆتوماتتى ستانساسى مۇز قاتىپ جاتقان كورولەۆ كراتەرٸنٸڭ سۋرەتتەرٸن جەرگە جٸبەردٸ, دەپ حابارلايدى "ۇلت اقپارات" اگەنتتٸكتٸڭ رەسمي سايتىنا سٸلتەمە جاساپ.
Mars Express 2003 جىلدىڭ 2 ماۋسىمىندا عارىشقا ۇشقان بولاتىن. التى ايدان كەيٸن اپپارات مارسقا جەتٸپ, ونىڭ وربيتاسىنا شىققان. جەلتوقسان ايىندا ەۋروپا عارىش اگەنتتٸگٸ ميسسييانىڭ 15 جىلدىعىن تويلادى, ال سپۋتنيكتەن الىنعان سۋرەتتەر مەرەيتويعا لايىقتى تارتۋ بولدى. فوتوسۋرەتتەر دەلدٸگٸ جوعارى HRSC ستەرەوكامەرالارىمەن تٷسٸرٸلگەن. سۋرەتتەردەن تىس, سپۋتنيك عالىمدارعا كورولەۆ اتىنداعى كراتەردٸڭ توپوگرافييالىق دەرەكتەرٸن دە جٸبەردٸ.
كراتەردٸڭ ديامەترٸ - 82 كيلومەتر. ول عالامشاردىڭ سولتٷستٸك پوليارلىق بٶلٸگٸندەگٸ تٶبەلٸكتەردٸڭ وڭتٷستٸك جاعىندا ورنالاسقان. سۋدان قاتقان مۇزدىڭ تەرەڭدٸگٸ 1,8 كيلومەترگە جەتەدٸ. مۇز قاباتىنىڭ ٷستٸندەگٸ اتموسفەرانىڭ تابيعي جولمەن سالقىنداۋى كراتەردەگٸ مۇزدى ەرٸپ كەتۋدەن ساقتايدى.
