Qolastyndaǵy qyzmetkerin tepken Arqalyq qalasy politsiia basqarmasynyń bastyǵy jumystan shettetildi, dep habarlaidy QazAqparat.
Facebook qoldanýshysy Serik Tólekbaev jariialaǵan videoda Arqalyq qalasy politsiia basqarmasy bastyǵy Jeńis Ahmetovtiń qyzmetkerin tepken sáti taspaǵa túsip qalǵan. Serik Tólekbaevtyń jazýynsha, basshy tarapynan jasalǵan mundai óreskel qylyq buǵan deiin de bolǵan.
Qostanai oblysy politsiia basqarmasy bastyǵynyń BAQ-pen bailanys jónindegi keńesshisi Elena Kasharina atalmysh videoǵa qatysty túsinik berdi.
«Qazir Arqalyq qalasy politsiia basqarmasynyń bastyǵy Jeńis Ahmetovke qatysty qyzmettik tergeý júrip jatyr. Qostanai oblysy politsiia departamenti basshysynyń buiryǵymen J.Ahmetov qyzmetinen shettetildi. Oqiǵanyń mán-jaiyn anyqtaýǵa PD bastyǵynyń kadr jumysy jónindegi orynbasary basqarǵan qyzmetkerler toby jumyldyryldy», - dedi E. Kasharina.
