قولاستىنداعى قىزمەتكەرٸن تەپكەن ارقالىق قالاسى پوليتسييا باسقارماسىنىڭ باستىعى جۇمىستان شەتتەتٸلدٸ, دەپ حابارلايدى قازاقپارات.
Facebook قولدانۋشىسى سەرٸك تٶلەكباەۆ جارييالاعان ۆيدەودا ارقالىق قالاسى پوليتسييا باسقارماسى باستىعى جەڭٸس احمەتوۆتٸڭ قىزمەتكەرٸن تەپكەن سەتٸ تاسپاعا تٷسٸپ قالعان. سەرٸك تٶلەكباەۆتىڭ جازۋىنشا, باسشى تاراپىنان جاسالعان مۇنداي ٶرەسكەل قىلىق بۇعان دەيٸن دە بولعان.
قوستاناي وبلىسى پوليتسييا باسقارماسى باستىعىنىڭ باق-پەن بايلانىس جٶنٸندەگٸ كەڭەسشٸسٸ ەلەنا كاشارينا اتالمىش ۆيدەوعا قاتىستى تٷسٸنٸك بەردٸ.
«قازٸر ارقالىق قالاسى پوليتسييا باسقارماسىنىڭ باستىعى جەڭٸس احمەتوۆكە قاتىستى قىزمەتتٸك تەرگەۋ جٷرٸپ جاتىر. قوستاناي وبلىسى پوليتسييا دەپارتامەنتٸ باسشىسىنىڭ بۇيرىعىمەن ج.احمەتوۆ قىزمەتٸنەن شەتتەتٸلدٸ. وقيعانىڭ مەن-جايىن انىقتاۋعا پد باستىعىنىڭ كادر جۇمىسى جٶنٸندەگٸ ورىنباسارى باسقارعان قىزمەتكەرلەر توبى جۇمىلدىرىلدى», - دەدٸ ە. كاشارينا.
