El ekonomikasyndaǵy kóleńkeli ainalymdy azaitý boiynsha júrgizilip jatqan jumystar týraly Úkimettiń baspasóz ortalyǵynda QR qarjy ministri Álihan Smaiylov aityp berdi, dep habarlaidy "Ult aqparat".
Memleket basshysy kóleńkeli ekonomika úlesin úsh jylda kem degende 40% qysqartý týraly tapsyrma berdi. Qarjy ministrligi biznesti qolma-qol aqshasyz esepke yntalandyra otyryp, kóleńkeli ainalymdy qysqartýǵa baǵyttalǵan is-sharalar josparyn ázirledi. Jospar 60 tarmaqtan turady.
«Eń aldymen, Ministrlik salyq jáne kedendik ákimshiliktendirýdi tsifrlandyrý mindetin alǵa qoiǵan. Biz qyzmetimizdi qanshalyqty tsifrlandyrsaq, sonshalyqty jumys tiimdiligi artyp, salyq túsimderi ulǵaiady, iaǵni kóleńkeli ekonomika úlesi azaiady», — dedi Á. Smaiylov.
Onyń aitýynsha, ótken jyly ákimshilendirýdi jetildirý, sonyń ishinde tsifrlandyrýdyń esebinen túsim 410 mlrd teńge qosymsha salyqty qurady. Biyl vedomstvo kedendik jáne salyqtyq ákimshilendirý esebinen qosymsha 520 mlrd teńge alýdy kózdeidi.
«Biz Qytai Halyq Respýblikasynan aǵyndar boiynsha jumysty jaqsartý esebinen osy 520 mlrd teńgege qosymsha, biýdjetke 200 mlrd teńgege deiin kiris alýdy josparlap otyrmyz. Kóleńkeli importtan bastap, kóleńkeli ainalymdy azaitý úshin osy jumysty júrgizý kerek», — dedi qarjy ministri.
Sonymen qatar, Qytai tarapynan eksporttyq deklaratsiialardy elektrondy túrde alýǵa múmkindik beretin jumystar júrgizilýde.
«Olarmen birlesip kóliktiń ishindegi taýarlar týraly barlyq aqparat jazylatyn qulyp kólik quralyna ilinip turatyn "Pilottyq qulyp" dep atalatyn jobany iske asyramyz», — dedi Á. Smaiylov.
Sondai-aq, naqty ýaqyt rejiminde salyq mindettemelerin oryndaýdyń ashyqtyǵyn qamtamasyz etetin blokchein sekildi jańa zamanaýi tehnologiialardy engizý boiynsha jumys júrgizilýde, ol alaiaqtyq shemalaryn joiýǵa yqpal etip, jetkizýshiler tizbegin dereý qadaǵalaýǵa múmkindik beredi.
«Ministrlik óz tarapynan jańa tsifrlyq tehnologiialardy meiilinshe paidalaný maqsatynda barlyq qajetti sharalardy qabyldaidy. Mysaly, 2018 jyly Qarjy ministrligi 22,2 mln memlekettik qyzmet kórsetse, onyń 94% elektrondy túrde kórsetilgen», — dedi Á. Smaiylov.
Budan ózge, el ishinde kóleńkeli ainalymnyń úlesin azaitý úshin elektrondyq shot-faktýralar, virtýaldy qoima, blokchein tehnologiialaryn qoldaný arqyly jeke esepter arqyly QQS ákimshiliktendirý, onlain baqylaý-kassalyq mashinalaryn paidalaný sekildi birqatar aqparattyq júieler iske asyrylýda.
Sonymen qatar, Á. Smaiylov Prezidenttiń Ekonomikalyq tergeý qyzmetin (ETQ) qaita uiymdastyrý týraly tapsyrmasyn oryndaý barysy jaiynda aityp berdi. ETQ Qarjy ministrliginiń Qarjylyq monitoring komitetine beriledi. Bul turǵyda tiisti zańnamalyq norma qabyldanyp ta qoidy. Qazirgi tańda tiisti zańnaǵa qosymsha aktilerdi qabyldaý sharalary júrgizilýde.
Jańartylǵan ETQ jumysy barlyq qoljetimdi aqparat kózderinen, onyń ishinde bankterden jáne basqa uiymdardan derekterdi óńdeý arqyly taldamalyq jáne AT-quraýyshtardy kúsheitýge baǵyttalady. Qarjylyq qylmystardyń aldyn alýǵa, oryn alǵan jaǵdailar men sebepterdi anyqtaýǵa, kapitaldy shetelge zańsyz shyǵarýdyń jolyn kesýge jáne kóleńkeli ekonomikaǵa qarsy kúres jumystaryna ekpin berilmek.
