Qazaq ulttyq qyzdar pedagogikalyq ýniversitetine tiesili jer ýchaskesin iemdenip, satyp jiberdi degen kúdikpen birqatar laýazymdy tulǵa ustaldy. Bul týraly QR Sybailas jemqorlyqqa qarsy is-qimyl agenttigi habarlady, dep jazady QazAqparat.
«Almaty oblysy boiynsha Sybailas jemqorlyqqa qarsy qyzmet Qazaq ulttyq qyzdar pedagogikalyq ýniversitetiniń burynǵy qyzmetkerin, «Almaty oblysy boiynsha azamattarǵa arnalǵan úkimet» KEAQ filialy Qarasai aýdandyq tirkeý jáne jer kadastry bóliminiń, Qarasai aýdany ákimdiginiń jer qatynastary bóliminiń basshylaryn 2018 jyly Kemertoǵan kentinde ornalasqan aýdany 9,0 ga jer ýchaskesi túrindegi ýniversitettiń múlkin urlady degen kúdikpen ustady», - delingen habarlamada.
Málim etilgendei, ýniversitettiń jer ýchaskesi birqatar ýchaskelerge zańsyz bólingen jáne ustalǵan tulǵalarǵa jalǵan qujattar arqyly úlestes bolyp rásimdelgen. Al keiinnen adal nietti satyp alýshylarǵa satylǵan.
«Osy tulǵalar 2021 jyldyń qańtarynda qylmys izderin jasyrý jáne jer ýchaskesin ýniversitet balansyna jalǵan qaitarý maqsatynda memlekettiń jer qorynan quqyq belgileitin qujattarsyz sanitarlyq aimaqtaǵy jáne jeke menshikke berýge jatpaityn Kóldi kentinde ornalasqan jer ýchaskesin zańsyz bólgen.
Búgingi tańda barlyq kúdiktilerge sottyń sanktsiiasymen bultartpaý sharasy taǵaiyndaldy.
Tergeý jalǵasýda, jasalǵan qylmysqa qatysy bar basqa adamdardy anyqtaý maqsatynda qajetti tergeý sharalary júrgizilýde», - dedi vedomstvodan.
