Foto: inform.kz
Qazaq ulttyq Qyzdar pedagogikalyq ýniversitetiniń burynǵy rektory 7 jylǵa sottaldy, - dep habarlaidy "Ult aqparat" Antikordyń baspasóz qyzmetine silteme jasap.
Vedomstvo málimetinshe, Qarasai aýdandyq sotynyń úkimimen burynǵy rektor - "Qazaq Ulttyq qyzdar pedagogikalyq ýniversitetiniń" KEAQ basqarma tóraǵasy G.Aldambergenova, rektordyń keńesshisi Q.Qojantaev (Aldambergenovanyń týǵan aǵasy) jáne "Azamattarǵa arnalǵan úkimet "Memlekettik korporatsiiasy" KEAQ filialynyń Qarasai Jer kadastry jáne jyljymaityn múlik bóliminiń basshysy A.Jýrýnov kináli dep tanylyp, 7 jylǵa bas bostandyǵynan aiyryldy.
Sol úkimmen Qarasai bólimi basshysynyń orynbasary D.Jumadil men bólim mamany E.Kemal shartty túrde 7 jylǵa bas bostandyǵynan aiyryldy.
Barlyq sottalǵanǵa memlekettik qyzmette jumys isteý quqyǵynan ómir boiyna aiyrý túrindegi jaza qoldanyldy.
Tergeý barysynda sottalǵandardyń bógde tulǵalarǵa zańsyz resimdelgeni, ýniversitettiń 9 ga jer ýchaskesin bólip jáne adal satyp alýshylarǵa satqany dáleldendi. Nátijesinde ýniversitetke 95,5 million teńge shyǵyn keltirildi. Úkim zańdy kúshine engen joq.
