8 naýryz – Halyqaralyq áielder merekesine orai qazaqstandyqtar úsh kún demalady, dep habarlaidy QazAqparat.
2001 jyldyń 13 jeltoqsanynda qabyldanǵan «Qazaqstan Respýblikasyndaǵy merekeler týraly» Zańyna sáikes, 8 naýryz – Halyqaralyq áielder kúni memlekettik mereke sanalady.
Memlekettik merekeler – qoǵamdyq-saiasi mańyzy bar oqiǵalarǵa arnalǵan, sondai-aq Qazaqstan Respýblikasynyń azamattary dástúrli túrde atap ótetin merekeler. Memlekettik merekelerdi meiramdaý kezinde resmi is-sharalar ótkizilýi múmkin. Sonymen qatar Qazaqstan Respýblikasyndaǵy ulttyq jáne memlekettik merekeler atap ótiletin kúnder Qazaqstan Respýblikasynyń eńbek zańdaryna sáikes mereke kúnderi dep tanylady. Ol kúnder demalys bolyp sanalady. Al demalys jáne mereke kúnderi sáikes kelgen jaǵdaida demalys kúni bir kúnge sozylady.
Biyl 8 naýryz seisenbige týra kelip tur. Osyǵan orai Úkimet qaýlysymen 7 naýryz kúngi jumys kúni senbi 5 naýryzǵa aýystyryldy. Osylaisha, qazaqstandyqtar Halyqaralyq áielder kúnine orai 6,7, 8 naýryz demalady.
