Foto: Bas prokýratýra
Bas prokýratýra men QR IIM Interpol qyzmetkerleri Syrtqy ister ministrliginiń kómegimen Grýziiadan sot úkimin oryndaý úshin Qazaqstan azamatyn ekstraditsiialady, -dep habarlaidy "Ult Aqparat".
2020 jyly ol Shymkent qalasynda kúsh qoldaný arqyly boijetkendi zorlamaq bolǵan. Jábirlenýshi belsendi qarsylyq kórsetip, qylmyskerdiń qolynan qashyp qutylǵandyqtan, ol óz áreketin aiaǵyna deiin jetkize almaǵan.
Sot atalǵan tulǵany kináli dep tanyǵan, alaida sottalǵan úkimdi jariialaýyna qatyspai, jasyrynyp, taǵaiyndalǵan jazany óteýden jaltarǵan.
Soǵan bailanysty ol halyqaralyq izdestirýge jariialandy.
2023 jylǵy qazanda sottalýshy Grýziia aýmaǵynda ustaldy.
Qazaqstan Respýblikasy Bas prokýratýrasynyń suraýy boiynsha grýziialyqtarap ony ekstraditsiialaý týraly sheshim qabyldady.
Qazirgi ýaqytta ol Astana qalasynyń tergeý izoliatoryna qamaldy.
