© Photo: pixabay/rebcenter-moscow
Ishki ister ministriniń orynbasary Igor Lepeha qyz alyp qashqany úshin jazany qatańdatýǵa qatysty pikir bildirdi, dep habarlaidy Sputnik Qazaqstan.
4 tamyzda Adam quqyqtary jónindegi ýákil qyz alyp qashýdy qylmys sanatyna jatqyzýdy usynǵan bolatyn.
Lepeha ombýdsmenniń bastamasynan habardar ekenin aitty.
"Men bul bastamany bilemin, eger qazir ony Májiliste talqylasa, biz buǵan qýana qatysamyz. Másele ózekti, halyqaralyq uiymdardyń barlyq baiandamasynda osy másele daý týǵyzady. Olar bul dástúrdi quptamaidy jáne muny túsinbeidi. Mentalitetti eskerip, osy máseleni sheshýge bolatyn shyǵar. Sebebi shynymen de salt-dástúrdi jamylyp, azamattardyń konstitýtsiialyq quqyǵyn buzyp jatady", - dedi Ishki ister ministriniń orynbasary Úkimette ótken brifingte.
Ol qazirgi tańda zańnamada "Bas bostandyǵynan zańsyz aiyrý" baby bar ekenin atap ótti.
