kórneki sýret: Almaty oblysy ákimdiginiń baspasóz qyzmeti
QMA Almaty oblysy boiynsha departamenti Eurotransit Nur Zholy JShS-ne qatysty sotaldy tergep-tekserýdi aiaqtady, - dep habarlaidy "Ult aqparat" vedomstvo baspasóz qyzmetine silteme jasap.
"Atalǵan zańdy tulǵa Qytai Halyq Respýblikasynyń beitarap aýmaǵynan Qazaqstan Respýblikasyna júk tasymaldaýshy jalǵyz operator bola tura, qyzmetke baǵany zańsyz ósirgen.
Atap aitqanda, kompaniiaǵa tiesili bos júk mashinalary QHR-nyń beitarap jaǵynan taýar tiep, JShS qoimasyna qaita oralyp otyrǵan. Bul qyzmeti úshin baǵany, iaǵni bir reiske (uzyndyǵy 3 shaqyrym) zańsyz jolmen qymbattatqan. Monopolistik qyzmetten túsken tabys 4,2 milliard teńge boldy", - delingen habarlamada.
Vedomstvo málimetinshe, tergep-tekserý barysynda óz kinásin moiyndaǵan JShS basshylyǵynan memleket kirisine quny 5,3 milliard teńgeden asa JShS aktivterin (aýmaǵynda kólik-logistikalyq uiym ornalasqan 3,6 gektar jer telimi) aýdarý týraly ótinishhat túsken.
