Qytai shekarasynan óte almai sharýasy turalap qalǵan otandyq taýar tasymaldaýshylardyń máselesi qalai sheshilip jatqany aityldy, dep habarlaidy QazAqparat.
Ortalyq kommýnikatsiialar qyzmetinde ótip jatqan baspasóz máslihatynda tilshi «Qazaqstandyq taýar tasymaldaýshylar Qytaimen shekarada turyp qaldy. Olardy shekaradan ótkizbei jatyr, sebebi nede jáne másele qalai sheshilmek?» degen saýal qoiyldy.
Bul suraqqa QR Saýda jáne integratsiia vitse-ministri Erjan Qazanbaev jaýap berdi.
«Qytaimen shekaradaǵy jaǵdai asa mańyzdy. Iá, biz máseleniń baryn kórip otyrmyz. Jáne ol koronavirýspen bailanysty, pandemiianyń saldarynan Qytai shekarasyn jaýyp, taýar almasýdy toqtatyp jatyr. Taýardy shekaradan óte qatań tártippen ótkizip jatyr, osy sebepti tasymaldaýshylar shekarada turyp qalýda. Osy oraida otandyq bizneske qoldaý kórsetip, shekaradaǵy máseleni sheshý maqsatynda biz qytailyq seriktestermen kelisim júrgizip jatyrmyz. Iaǵni shekara arqyly taýar tasymaly pretsesin jeńildý úshin. Indettiń beti qaitpaiynsha Qytaidyń shekarasyn ashýy ekitalai», - dedi Erjan Qazanbaev.
Onyń aitýynsha, epidjaǵdai rettelse, Qytai memleketi óz shekarasyn asha bastaidy.
