قىتاي شەكاراسىنان ٶتە الماي شارۋاسى تۇرالاپ قالعان وتاندىق تاۋار تاسىمالداۋشىلاردىڭ مەسەلەسٸ قالاي شەشٸلٸپ جاتقانى ايتىلدى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتٸپ جاتقان باسپاسٶز مەسليحاتىندا تٸلشٸ «قازاقستاندىق تاۋار تاسىمالداۋشىلار قىتايمەن شەكارادا تۇرىپ قالدى. ولاردى شەكارادان ٶتكٸزبەي جاتىر, سەبەبٸ نەدە جەنە مەسەلە قالاي شەشٸلمەك?» دەگەن ساۋال قويىلدى.
بۇل سۇراققا قر ساۋدا جەنە ينتەگراتسييا ۆيتسە-مينيسترٸ ەرجان قازانباەۆ جاۋاپ بەردٸ.
«قىتايمەن شەكاراداعى جاعداي اسا ماڭىزدى. يە, بٸز مەسەلەنٸڭ بارىن كٶرٸپ وتىرمىز. جەنە ول كوروناۆيرۋسپەن بايلانىستى, پاندەمييانىڭ سالدارىنان قىتاي شەكاراسىن جاۋىپ, تاۋار الماسۋدى توقتاتىپ جاتىر. تاۋاردى شەكارادان ٶتە قاتاڭ تەرتٸپپەن ٶتكٸزٸپ جاتىر, وسى سەبەپتٸ تاسىمالداۋشىلار شەكارادا تۇرىپ قالۋدا. وسى ورايدا وتاندىق بيزنەسكە قولداۋ كٶرسەتٸپ, شەكاراداعى مەسەلەنٸ شەشۋ ماقساتىندا بٸز قىتايلىق سەرٸكتەستەرمەن كەلٸسٸم جٷرگٸزٸپ جاتىرمىز. ياعني شەكارا ارقىلى تاۋار تاسىمالى پرەتسەسٸن جەڭٸلدۋ ٷشٸن. ٸندەتتٸڭ بەتٸ قايتپايىنشا قىتايدىڭ شەكاراسىن اشۋى ەكٸتالاي», - دەدٸ ەرجان قازانباەۆ.
ونىڭ ايتۋىنشا, ەپيدجاعداي رەتتەلسە, قىتاي مەملەكەتٸ ٶز شەكاراسىن اشا باستايدى.
