Shyǵys Qazaqstan oblysyndaǵy «Baqty» keden beketinde 11,5 mln teńgege baǵalanǵan kontrafaktilik kólik bólshekteri men noýtbýkterge arnalǵan qýattaǵyshtar tárkilendi, dep habarlaidy QazAqparat.
ShQO boiynsha Memlekettik kirister departamenti baspasóz qyzmetiniń málimetine súiensek, naýryz-sáýir ailarynda «Baqty» keden beketinde Qytaidan ákelingen taýarlardy baqylaý barysynda kontrafaktilik ónimder tabyldy.
«Ziiatkerlik menshik obektileriniń biryńǵai kedendik tizilimine engizilgen taýar belgileri bar kontrafaktilik ónimdi kirgizýdiń 5 faktisiniń joly kesildi. Atap aitqanda, bul «Hyundai», «Toyota», «Nissan» markaly kólikterdiń aýa filtrlary jáne noýtbýkterge arnalǵan qýattaǵyshtar», - delingen aqparatta.
Belgili bolǵandai, osynyń saldarynan taýarlardyń avtorlyq quqyq ielerine keltirilgen jalpy shyǵyn mólsheri 11,5 million teńgeden asyp otyr.
