Qytai Halyq Respýblikasy Qazaqstanmen aradaǵy bailanystardy kúsheitýge múddeli. Aspan asty eliniń qazaq xalqyna degen qyzyǵýshylyǵy da artyp keledi, dep xabarlaidy QazAqparat tilshisi.
QHR-dyń Qazaqstandaǵy Tótenshe jáne Ókiletti elshisi Chjan Hanxýeidyń aitýynsha, Qytai eli Qazaqstandy strategiialyq áriptes ári shynaiy dos dep biledi.
«Alystaǵy aǵaiynnan jaqyndaǵy kórshi artyq» deidi ǵoi, biz úshin Qazaqstan da solai. Bizdiń qarym-qatynasymyz myńdaǵan jyl buryn qalyptasty. Sony ary qarai jalǵastyratyn bolamyz. Menińshe, búginde bizdiń ortaq múddelerimiz artyp keledi, ortaq kózqarasymyz da bar», - dedi Ch.Hanxýei jýrnalisterge bergen suxbatynda.
Elshiniń sózine qaraǵanda, búginde Qytai xalqy arasynda Qazaqstanǵa degen qyzyǵýshylyq artyp otyr.
«Jaqynda Qytaidaǵy jańa jyldyq merekege arnalǵan gala-kontsert uiymdastyrylǵan bolatyn. Sol jerde Qazaqstan jaiynda úsh ret aitty. Dimash ta óner kórsetti. Negizi, qazirgi kezde Qytaida Qazaqstan keńinen tanylyp, jergilikti xalyqtyń osy elge degen qyzyǵýshylyǵy artyp keledi. Qazaqstanǵa, qazaq xalqyna degen yqylasy artyp keledi», - dep atap kórsetti Ch.Hanxýei.
