Qaraǵandy oblysynda 42 myń adam qytailyq Vero Cell vaktsinasymen egiletin bolady. Preparat jaqyn arada túsýi kerek, dep habarlaidy "Ult aqparat".
Bul týraly Densaýlyq saqtaý basqarmasynyń basshysy Gamal Toqsambaev Óńirlik kommýnikatsiialar qyzmeti platformasynda ótken brifingide málimdedi.
«Jańalyqtardan Qazaqstannyń Sinopharm kompaniiasy shyǵarǵan vaktsinany satyp alǵanyn kórdińizder. Ol Vero Cell dep atalady. Oblysqa 84 myń doza kóleminde jetkizýdi kútemiz. Bul eki fazaly vaktsina. Ony bizde 42 myń turǵyn alady», – dedi Gamal Toqsambaev.
Osy jyldyń 7 mamyrynda Vero Cell qytailyq vaktsinasyn Dúniejúzilik densaýlyq saqtaý uiymy maquldady. Shildede ol COVAX vaktsinalar bankine kirdi. Vaktsina belsendi emes, eki dozaly.
Basqarma basshysynyń málimetinshe, oblysta reseilik «Spýtnik V» vaktsinasy jáne otandyq QazVac bar. Ol sonymen qatar Hayat-Vax jáne CoronaVac vaktsinalarynyń ekinshi komponenti tek alǵashqy dozasyn alǵan jáne immýndaýdy aiaqtaǵan adamdarǵa qoljetimdi ekenin aitty.
Qaraǵandy oblysynda 12 tamyzdaǵy jaǵdai boiynsha koronavirýsqa qarsy vaktsinanyń birinshi komponentin 432 331 adam, ekinshisin – 322 175 adam aldy.
