Áleýmettik jelide prezident Qasym-Jomart Toqaevtyń Beijiń lingvistikalyq ýniversitetinde oqyp júrgen kezde túsken sirek sýretteri jariialandy.
Videony prezidenttiń baspasóz hatshysy Berik Ýáli Facebook-tegi paraqshasynda jariialady.
"Bul rolikte memleket basshysy Qasym-Jomart Toqaevtyń 1983 jyly Beijiń lingvistikalyq ýniversitetinde tildik taǵylymdamadan ótip júrgen kezde túsirilgen sirek fotosýretteri usynylǵan. Ýniversitet oqytýshysy Liý Shitsin óziniń jeke muraǵatynda saqtalǵan biregei fotosýrettermen bólisipti", - dep jazdy ol.
Liý Shitsin Toqaev oqyǵan topta jańalyqtardy tyńdaý kýrsynan sabaq bergen.
"Kópshil, belsendi, ol az ýaqytta úzdik oqýshylardyń biri boldy. Ol gazet oqýdy jaqsy kóretin jáne óz kózqarasyn ashyq bildiretin. Bilimdi, oqyǵan-toqyǵany kóp, ónegeli. Osy qasietter oǵan qazirgi joǵary jetistikterge jetýge kómektesti", - dep eske alady qytailyq oqytýshy.
Aita ketsek, buǵan deiin de jelide prezidenttiń sirek fotolary jariialanǵan edi. Videodan Qazaqstan prezidenti Qasym-Jomart Toqaevtyń jastyq shaǵynan bastap prezident retinde halyqqa ant berýine deiingi kezdi kórýge bolady. Memleket basshysynyń alǵashqy sheteldik saparlarynyń sýretteri de bar.
