Qytailyq «Guardians of Dimash» fanattar toby Dimashty týǵan kúnimen quttyqtaý úshin Astananyń barlyq LED ekrandaryn bir kúnge jalǵa aldy, dep habarlaidy «QazAqparat» HAA tilshisi.
Tanymal ánshi Dimash Qudaibergenniń týǵan kúnine orai, búgin túngi 00:00-ge deiin Astananyń barlyq LED ekrandary tek qana Dimash týraly beinerolikterdi kórsetedi.
«Sheteldik fanattarǵa Astanadaǵy eń kórnekti LED ekrandarmen kelisim jasaýǵa qol ushyn sozdym. LED ekrandardy bir kúnge jalǵa alýǵa bir million teńgeden astam qarajat jumsaldy, shyǵynnyń barlyǵyn Dimashtyń ónerin erekshe baǵalaityn qytailyq «Guardians of Dimash» fanattar toby ótedi», - deidi EUÝ-dyń stýdenti Aqedil Nurbolatuly.
Aita keteiik, búgin 23 jasqa tolǵan qazaqstandyq ánshi Dimash Qudaibergenge álemniń túkpir-túkpirinen quttyqtaýlar joldanyp jatyr. Buǵan deiin amerikalyq aktrisa jáne model Eva Longoriia men áigili ánshi Lara Fabiannyń quttyqtaýy jariialanǵan edi. Lara Fabian quttyqtaýyn «Happy birthday to you» ánimen jetkizgen.
