Qytailyq CoronaVac vaktsinasy úsh jastan asqan balalar úshin tiimdi jáne qaýipsiz. Bul týraly Lancet ǵylymi jýrnaly synaqtyń birinshi jáne ekinshi kezeń nátijesine súiene otyryp jazǵan, - dep habarlaidy Tengrinews.kz portaly RIA Novosti agenttigine silteme jasap.
Qytailyq Sinovac Biotech Ltd biofarmatsevtikalyq kompaniiasy shyǵarǵan CoronaVac vaktsinasy 3 jastan 17 jasqa deiingi balalar tobyna synalǵan. 2020 jylǵy 31 qazanynan 2 jeltoqsanǵa deiin júrgizilgen synaqtardyń birinshi kezeńine 72 adam qatysqan. 2020 jyldyń 12 jeltoqsanynan 30 jeltoqsanyna deiin ótkizilgen ekinshi kezeńge 480 adam qatysqan.
Klinikalyq zertteýlerdiń birinshi kezeńinen keiin vaktsina saldyrǵan balalardyń 100 paiyzynda antideneler anyqtalǵan. Ekinshi kezeńnen keiin antideneler preparattyń 1,5 mikrogramm dozasyn alǵan balalardyń 96,8 paiyzynda, 3 mikrogramm dozasyn alǵan balalardyń 100 paiyzynda anyqtalǵan. Platsebo alǵan balalarda antideneler tabylǵan joq, dep jazdy basylym.
Osy synaqtar nátijesine súiensek, vaktsinatsiiadan keiin 28 kún ishinde jaǵymsyz áser 1,5 mikrogramm doza alǵan balalardyń 26 paiyzynda jáne 3 mikrogramm doza alǵan balalardyń 29 paiyzynda tirkelgen. Kóp jaǵdaida janama reaktsiia inektsiia ornynyń aýyrsynýy bolǵan.
Synaq nátijeleri boiynsha ǵalymdar CoronaVac vaktsinasy jaqsy tózimdi, qaýipsiz jáne balalar men jasóspirimderde immýndyq jaýap týdyrdy degen qorytyndyǵa kelgen.
Qytailyq CoronaVac vaktsinasynyń alǵashqy partiiasy 1 maýsymda Almatyǵa kelgen bolatyn. Bul preparat Qazaqstan azamattaryna koronavirýsqa qarsy vaktsinalaý úshin qoljetimdi tórtinshi vaktsina. Vaktsinany Pekin farmatsevtikalyq kompaniiasy Sinovac shyǵarady.
