China National Biotech Group (CNBG) farmatsevtikalyq kompaniiasy óndiretin koronavirýsqa qarsy qytailyq vaktsinanyń eki dozasynyń baǵasy 1000 iýannan (shamamen 146 dollar) tómen bolady, dep habarlaidy CGTN.
«China National Biotech Group ázirlegen eki vaktsina biylǵy jyldyń jeltoqsan aiynda naryqqa shyǵady dep josparlanyp otyr. Vaktsinanyń eki dozasy 1000 iýannan tómen bolady», - dedi CNBG bas zań keńesshisi Chjoý Sýn.
Onyń aitýynsha, kompaniianyń eki vaktsinasy BAÁ, Bahrein, Perý, Morokko, Argentina jáne Iordaniiany qosa alǵanda, 10-nan astam elde qaýipsizdigi men tiimdiligi tekseriletin synaqtyń úshinshi kezeńinen ótýde.
«Vaktsinatsiialanǵan on myńdaǵan adam COVID-19 indetin juqtyrý qaýpi joǵary elder men aimaqtarǵa sapar shekti. Osy ýaqytqa deiin olardyń eshqaisysy aýrý juqtyrmaǵan. Bul vaktsinalardyń tiimdiligin dáleldeidi», - dep atap ótti Chjoý Sýn.
CGTN materialynda klinikalyq zertteýlerdiń nátijeleri CNBG vaktsinasynyń eki dozasyn eki-tórt apta aralyǵynda alǵan adamdarda alǵashqy dozadan jeti kún ótken soń antideneler túzilgenin kórsetti.
CNBG vaktsinalary adamdy koronavirýstan 1-3 jyl aralyǵynda qorǵai alady. Bes aidan astam ýaqyt buryn vaktsinatsiialanǵan alǵashqy 180 eriktini baqylaý kezinde bul toptaǵy antideneler deńgeiiniń «joǵary shekte jáne olardyń tómendeý belgileri joq» ekenin kórsetti.
Sonymen qatar, CNBG olardyń vaktsinalary COVID-19-dyń barlyq shtamyn qorǵaýǵa qabiletti ekenin aitty.
«Shynynda da, virýstyń mýtatsiiaǵa ushyraityn birneshe kishi túrleri bar, biraq onyń negizgi gendik tizbegi men aqýyz qurylymy túbegeili ózgergen joq. Vaktsinalar aldaǵy birneshe jylda osy mýtatsiialanǵan virýstarmen kúresýde eshqandai qiyndyq týǵyzbaidy», - dedi CNBG bas zań keńesshisi Chjoý Sýn.
«China National Biotec Group» kompaniiasynyń jyldyq óndiristik qýaty – 300 mln dozany quraidy. Úsh-alty aidan keiin vaktsinalar óndirisin 1,3 mlrd dozaǵa deiin ulǵaitýy múmkin.
