Qazaqstandyq stýdent qyz Qytaidyń Gýanchjoý qalasynda kóz jumdy. Jas qazaqstandyqtyń ólimi týraly habardy Qazaqstannyń syrtqy ister ministrligindegiler rastady, dep habarlaidy Sputnik agenttigi.
"Qazirgi sátte elshilik máiitti Qazaqstanǵa alyp kelý jáne qajetti qujattardy rásimdeý máselesimen ainalysyp jatyr", — dedi SIM resmi ókili Aibek Smadiiarov.
Sondai-aq, syrtqy saiasat vedomstvosyndaǵylar oqiǵanyń mán-jaiy aldaǵy ýaqytta belgili bolatynyn aitty.
Ótken jyldyń jeltoqsan aiynda Qytaida taǵy bir qazaqstandyq stýdenttiń ólimi týraly habarlanǵan edi. Ol kezde boijetken 14-qabattan qulap kóz jumǵan. Qaiǵyly jaǵdai bolǵan sátte boijetken dosynyń úiinde qonaqta otyrǵan. Osy iske bailanysty Pákistannyń eki azamaty tutqyndalǵan edi.
