Qytaidyń «Chane-5» zondynyń jerge qaitqan modýli beisenbi, iaǵni 17 jeltoqsan kúni keiingi 40 jyldan keiin Aidyń topyraq úlgisin Jerge jetkizdi, dep habarlaidy "Ult aqparat".
Ǵarysh apparaty Beijiń ýaqyty boiynsha saǵat 01.59 kezinde Qytaidyń soltústigindegi Ishki Mońǵoliia avtonomdy aýdanynyń aýmaǵyna qondy.
Qytaidyń ulttyq ǵarysh basqarmasynan (CNSA) habarlaǵandai, bul ǵarysh saparynyń aiaqtalýy – Aidy zertteý jumysy baǵdarlamasynyń jospary sátti aiaqtalǵanyn bildiredi. Baǵdarlama úsh maqsatty kózdegen edi: Aidy ainalyp ushý, Aiǵa qoný jáne Aidyń topyraq úlgisin jerge jetkizý. Baǵdarlama 2004 jyly bastalǵan bolatyn.
Eske sala ketsek, «Chanchjen-5» zymyrany 24 qarashada Ońtústik Qytaidaǵy Hainan araly provintsiiasyndaǵy Venchan áýe ailaǵynan «Chane-5» zondyn alyp ushqan edi. Orbitalyq modýlden turatyn zondtyń ushyp qonatyn kesheni 1 jeltoqsanda Aidaǵy Riýmker shyńynyń Borandar muhitynyń soltústigine qondy. 6 jeltoqsanda Aidyń topyraǵyn alyp ushqan apparat Jerge oralatyn modýlmen túiisti.
