Qytaidan Almatyǵa kelgen adamdar dárigerlerdiń baqylaýynda, – dep habarlaidy QazAqparat.
Qytai men Qazaqstan arasynda áýe reisterin tórt kompaniia júzege asyrady. Almatyǵa aptasyna 20 reis oryndalady. Keshe Qytaidan megopoliske 300 jolaýshy keldi.
«Elge kelgen barlyq jolaýshyny termometriia jáne teplovizor qurylǵysy arqyly tekserýden ótkizedi. Olardy baqylaý áýede bastalady. Borttaǵy ár jolaýshy bortseriktiń jiti nazarynda bolady. Eger naýqasta kataraldy nemese ishek infektsiialaryna kúdik týsa, aqparat dereý jerge habarlanady. Ushaq áýejaiǵa kelgende bizdiń mamandar qarsy alady. Almaty áýejaiynda eki arnaiy bólme bar», – deidi Aizat Moldaǵasimova.
Tirkeý qyzmetiniń málimeti boiynsha, qalada 2222 qytai azamaty meditsinalyq kómek alýǵa taǵaiyndalǵan. Olardyń vizasy bar jáne osynda turady.
«Joǵaryda atalǵan Qytai azamattary qaladaǵy emhanalarǵa bekitilgen. Olardyń 18-nen kataraldy qubylystar baiqalady, jaǵdailary qanaǵattanarlyq. Eshqaisynda koronavirýs anyqtalǵan joq. Sonymen qatar, Qytaidyń ártúrli provintsiiasynda oqityn 17 stýdent keldi. Olardyń jaǵdaiy qanaǵattanarlyq», – dep qosty ol.
