Jeksenbi kúni tańerteń Qytaidyń Shiian qalasyndaǵy (Hýbei provintsiiasy, Ortalyq Qytai) azyq-túlik bazarynda joiqyn jarylys boldy. Saldarynan keminde 11 adam opat bolyp, 133 adam zardap shekti, dep habarlaidy Qytaidyń ortalyq telearnasy.
Telearnanyń habarlaýynsha, zardap shekken 133 adamnyń 37-siniń jaǵdaiy aýyr.
Aldyn ala nusqalarǵa sáikes, tótenshe jaǵdaiǵa gazdyń kemýi sebep bolýy múmkin. Jarylys Chjanvan aýdanynda jergilikti ýaqyt boiynsha saǵat 06:30 shamasynda bolǵan. Saldarynan bazardyń ǵimaraty qirap, sol mańdaǵy úilerdiń áinekteri synǵan.
Kýágerlerdiń aitýynsha, ýaqyttyń erte bolǵanyna qaramastan bazarda satyp alýshylar kóp bolǵan, adamdar jaqyn mańdaǵy ashanalardan tańǵy as iship otyrǵan.
Qalada birneshe qan quiý stantsiiasy jumys istep jatyr. Dárigerler men bilik qala turǵyndaryn qan quiý stantsiialaryna kelip, qan tapsyrýǵa shaqyrdy.
Tótenshe jaǵdai ornynda izdestirý-qutqarý jumystary jalǵasýda.
