جەكسەنبٸ كٷنٸ تاڭەرتەڭ قىتايدىڭ شييان قالاسىنداعى (حۋبەي پروۆينتسيياسى, ورتالىق قىتاي) ازىق-تٷلٸك بازارىندا جويقىن جارىلىس بولدى. سالدارىنان كەمٸندە 11 ادام وپات بولىپ, 133 ادام زارداپ شەكتٸ, دەپ حابارلايدى قىتايدىڭ ورتالىق تەلەارناسى.
تەلەارنانىڭ حابارلاۋىنشا, زارداپ شەككەن 133 ادامنىڭ 37-سٸنٸڭ جاعدايى اۋىر.
الدىن الا نۇسقالارعا سەيكەس, تٶتەنشە جاعدايعا گازدىڭ كەمۋٸ سەبەپ بولۋى مٷمكٸن. جارىلىس چجانۆان اۋدانىندا جەرگٸلٸكتٸ ۋاقىت بويىنشا ساعات 06:30 شاماسىندا بولعان. سالدارىنان بازاردىڭ عيماراتى قيراپ, سول ماڭداعى ٷيلەردٸڭ ەينەكتەرٸ سىنعان.
كۋەگەرلەردٸڭ ايتۋىنشا, ۋاقىتتىڭ ەرتە بولعانىنا قاراماستان بازاردا ساتىپ الۋشىلار كٶپ بولعان, ادامدار جاقىن ماڭداعى اسحانالاردان تاڭعى اس ٸشٸپ وتىرعان.
قالادا بٸرنەشە قان قۇيۋ ستانتسيياسى جۇمىس ٸستەپ جاتىر. دەرٸگەرلەر مەن بيلٸك قالا تۇرعىندارىن قان قۇيۋ ستانتسييالارىنا كەلٸپ, قان تاپسىرۋعا شاقىردى.
تٶتەنشە جاعداي ورنىندا ٸزدەستٸرۋ-قۇتقارۋ جۇمىستارى جالعاسۋدا.
