Qytaidyń Chjoýshan qalasynda qyzyl aspan jurttyń úreiin ushyrdy, - dep habarlaidy Tengrinews.kz.
LADBible portalynyń málimetinshe, turǵyndar áleýmettik jelide aspan kadrlaryn júktep, bul ne ekenine boljam jasap jatyr. Bireýler tipti apokalipsis bastaldy dep sheshken.
"Mundaidy buryn-sońdy kórgen emespin. Aspan qyzyl túske ainalýy múmkin ekeni qatty tańǵaldyrady", - dep jazdy olardyń biri.
Alaida jergilikti meteorologtar turǵyndardy sabyrǵa shaqyrdy. Chjoýshan meteorologiialyq biýrosynyń qyzmetkerleri senbide qala tumandy jáne bultty bolǵanyn, al qyzyl aspan kezinde jańbyr jaýyp turǵanyn aitty.
"Aýa raiy jaqsy kezde atmosferadaǵy sý aerozol túzedi, olar qaiyqtardyń jaryǵyn syndyryp, shashyratady. Sodan adamdar kórgen qyzyl aspan paida boldy", - dedi mamandar. Bul týraly Global Times jazdy.
