Qytaidyń shyǵysyndaǵy Tsziansý provintsiiasynda himiia zaýytynda jarylys bolyp, 64 adam kóz jumdy, taǵy 28 adam iz-túzsiz joǵalyp ketti, dep málimdedi Ianchen qalasynyń meri Tsao Lýbao.
"Senbi saǵat 7:00-degi málimet boiynsha (Astana ýaqytymen 5:00) Tsziansý provintsiiasynda himiia zaýytyndaǵy jarylystan 64 adam kóz jumdy, taǵy 28 adam iz-túzsiz joǵalyp ketti, qazirgi tańda 26 adamnyń kim ekeni anyqtaldy", - dedi sheneýnik.
21 adam hál ústinde jatyr, taǵy 73-iniń jaǵdaiy aýyr, dep jazdy RIA Novosti.
Tsao Lýbao zardap shekken qalǵan 600-den astam adamnyń jaǵdaiyna qatysty da túsinikteme berdi.
"Dál qazir qolda bar aqparat boiynsha qaladaǵy 16 aýrýhanaǵa 617 adam emdelýge barǵan. Olardyń 523-i jeńil jaraqat alǵan", - degen qala basshysy aýrýhanalardaǵy 143 adamdy dárigerler baqylaýǵa alǵanyn aita ketti.
Jarylys beisenbi kúni "Tsziansý Tiantsziai" himiia zaýytynda jergilikti ýaqyt boiyna 14:00-de (Astana ýaqytymen 12:00) boldy. Jarylystyń qýatty bolǵany sonshalyq, seismologtar osy provintsiiada 2,2 magnitýdaly jer silkinisin tirkegen.
