Qytaidyń ońtústik-batysynda jolaýshylar otyrǵan ushaq ushý-qoný jolaǵynan shyǵyp, órtenip ketti, - dep habarlaidy Tengrinews.kz portaly Xinhua agenttigine silteme jasap.
Oqiǵa beisenbide jergilikti ýaqyt boiynsha saǵat 08.00-de bolǵan. Tibet Airlines qytailyq áýekompaniiasynyń A319 áýelainerinde 122 adam otyrǵan. Ushaq ushý-qoný jolaǵynan shyǵyp ketip, Chýntsin áýejaiynyń mańynda órtenip ketti.
Bortta bolǵan 113 jolaýshy men 9 ekipaj músheleriniń arasynda qaza tapqandar men zardap shekkender joq.
Alaida derekkózderdiń málimetinshe, 40-qa jýyq adam zardap shekken, olar aýrýhanaǵa jetkizilgen. Apattyń mán-jaiy ázirge belgisiz.
Odan bólek, bul jaǵdaidan keiin áýejai ushý-qoný jolaǵyn jaýyp tastaǵan, reister keshigip jatyr. Al qonýy kerek bolǵan ushaqtar Chendý Shýanliý áýejaiyna jiberilgen.
