Qytaidaǵy WeChat messendjerinde «Týrizmge arnalǵan halyqaralyq densaýlyq sertifikatynyń» qytailyq nusqasy bar mini-baǵdarlama resmi túrde iske qosyldy, dep habarlaidy "Ult aqparat".
Halyqaralyq densaýlyq sertifikatynyń qytailyq nusqasy – bul egjei-tegjeili málimeti bar qujat. Onda nýklein qyshqyly men IgG antidenelerine tapsyrylǵan test qorytyndylary jáne COVID-19 virýsyna qarsy vaktsinalaý statýsy kórsetiledi.
Sertifikattyń rastylyǵyn tekserý jáne týrist jaiynda málimettermen tanysý úshin sheteldik memleketterdiń kez kelgen vedomstvosy QR-kodty skanerleitin bolady.
Densaýlyq sertifikatyn elektrondyq nusqada smartfonmen kórsetýge bolady. Sondai-aq ony qaǵazǵa basyp shyǵaryp, birge alyp júrýge ruqsat.
«Epidemiologiialyq jaǵdaidyń turaqtalyp, pandemiiadan keiingi ýaqytta halyqaralyq qyzmetkerler almasýda densaýlyq faktorynyń mańyzdylyǵy erekshe baiqalatyn bolady. Aldaǵy taiaý bolashaqta álem elderinde densaýlyq sertifikattaryn ózara taný úrdisiniń artýyna qarai, «Týrizm úshin halyqaralyq densaýlyq sertifikatynyń» qytailyq nusqasy túrli elder adamdarynyń salaýatty ári qaýipsiz aralasýyna septigin tigizetin bolady», - delingen QHR SIM Konsýldyq qyzmet departamentiniń WeChat-taǵy málimdemesinde.
