Qytaida QR Tuńǵysh Prezidenti-Elbasy Nursultan Nazarbaev atyndaǵy ǵylymi-innovatsiialyq zerthananyń saltanatty ashylý rásimi ótti. Bul týraly QR Syrtqy ister ministrliginen málim etti, dep habarlaidy "Ult aqparat".
Zerthannanyń quryltaishylary – «G-Global» halyqaralyq hatshylyǵy jáne onyń QHR-daǵy strategiialyq seriktesi «China Silk Road Group» kompaniiasy.
Is-sharaǵa Nankin qalasy «Tszianbei» jańa aýdany ákimshiliginiń jáne Beijiń qalasy «Chjýngýantsýn» ǵylymi-tehnologiialyq parkiniń ókilderi, Qazaqstannyń QHR-daǵy Elshiliginiń diplomattary, sondai-aq qytailyq BAQ tilshileri qatysty.
«Zerthananyń negizgi mindeti aýqymdy zertteýlerdi, onyń ishinde zamanaýi «blokchein» tehnologiialaryn, jasandy intellekt pen «úlken derekterdi» paidalana otyryp júzege asyrý arqyly qytailyq «Bir beldeý, bir jol» bastamasy jáne qazaqstandyq «Nurly jol» memlekettik baǵdarlamasy sheńberinde jobalardy ilgeriletý, sondai-aq ǵylymi súiemeldeýge praktikalyq járdemdesý bolyp tabylady. Bul jumysqa eki eldiń jetekshi ǵalymdary men praktikteri belsendi túrde tartylady», - delingen SIM aqparatynda.
«G-Global» halyqaralyq hatshylyǵy 2019 jyldan bastap «Bir beldeý, bir jol» bastamasy seriktesteriniń quramyna kiredi. Onyń «Jibek joly» jahandyq syilyǵy jáne «Jahandyq Jibek joly – qala ákimderiniń forýmy» siiaqty jobalaryn «Bir beldeý, bir jol» bastamasynyń 2-shi forýmynyń qatysýshylary tarapynan qoldaý taýyp, qorytyndy qujatynyń mátinine engizildi.
