"Favipiravir" preparaty jańa koronavirýs týdyratyn pnevmoniiany emdeýde tiimdi bolyp shyqty. Bul týraly QHR Ǵylym jáne tehnika ministrligi janyndaǵy biotehnologiia ortalyǵynyń basshysy Chjan Sinmin málimdedi, - dep habarlaidy Tengrinews.kz "Sinhýaǵa" silteme jasap.
Qytai Densaýlyq saqtaý ókiliniń aitýynsha, preparatty qabyldaǵan patsientter tezirek emdelip, olardyń ókpesi qalpyna kelipti.
Ońtústik Gýandýn provintsiiasynyń Shenchjen qalasyndaǵy aýrýhanalardyń birinde koronavirýsy bar 80 patsienttiń 35-i preparat qabyldaǵan. Tórt kúnnen keiin koronavirýsqa testiler teris nátije kórsetken, al qalǵandarynyń jaǵdaiy ortasha eseppen 11 kúnnen keiin túzelgen. Taǵy bir uqsas zertteý Ýhan aýrýhanasynda júrgizilipti.
"Avigan" degen de ataýy bar "Favipiravirdi" tumaýdy emdeý úshin Fujifilm Holdings japon korporatsiiasy ázirlegen. Ol sondai-aq Ebola bezgegine qarsy qoldanylǵan. Preparattyń jaǵymsyz áseri 2014 jyldan bastap tirkelmegen, sol jyly onyń satylymy Japoniiada maquldanǵan edi.
